ਬਟਾਲਾ_ ਔਰਤਾਂ ਨਾਲ ਹੁੰਦੀ ਛੇੜਛਾੜ ਦੇ ਮਾਮਲੇ ਅਕਸਰ ਸਾਹਮਣੇ ਆਉਂਦੇ ਰਹਿੰਦੇ ਹਨ ਪਰ ਇਹਨਾਂ ਮਾਮਲਿਆਂ ਨੂੰ ਨੱਥ ਪਾਉਣ ਲਈ ਜੇਕਰ ਅੱਗੋਂ ਕੋਈ ਵਿਰੋਧ ਕਰਦਾ ਹੈ ਤਾਂ ਫਿਰ ਉਹਨਾਂ ਨੂੰ ਇਹਨਾਂ ਸ਼ਰਾਰਤੀ ਅਨਸਰਾਂ ਦੇ ਗੁੱਸੇ ਦਾ ਸ਼ਿਕਾਰ ਵੀ ਹੋਣਾ ਪੈ ਜਾਂਦਾ ਹੈ ਅਤੇ ਨੁਕਸਾਨ ਵੀ ਝੱਲਣਾ ਪੈਂਦਾ ਹੈ ਐਸਾ ਹੀ ਇਕ ਮਾਮਲਾ ਉਸ ਵੇਲੇ ਸਾਹਮਣੇ ਆਇਆ ਜਦੋ ਬੀਤੀ ਰਾਤ ਦਾ ਬਟਾਲੇ ਦੇ ਮੁਹੱਲਾ ਗੋਬਿੰਦਪੁਰਾ ਵਿੱਚ ਜਿੱਥੇ ਕਿਰਾਏ ਦੇ ਘਰ ਵਿਚ ਰਹਿਣ ਵਾਲੀ ਇਕ ਮਹਿਲਾਂ ਨਾਲ ਮੁਹੱਲੇ ਦਾ ਹੀ ਇਕ ਨੋਜਵਾਨ ਲਗਾਤਾਰ ਛੇੜਛਾੜ ਕਰਦਾ ਆ ਰਿਹਾ ਸੀ ਅਤੇ ਜਦੋਂ ਮਹਿਲਾ ਨੇ ਹੋ ਰਹੀ ਛੇੜਛਾੜ ਦਾ ਵਿਰੋਧ ਕੀਤਾ ਤਾਂ ਨੌਜਵਾਨ ਨੇ ਗੁੱਸੇ ਵਿਚ ਆਕੇ ਆਪਣੇ ਸਾਥੀਆਂ ਨਾਲ ਮਿਲਕੇ ਦੇ ਮਹਿਲਾ ਅਤੇ ਆਸ ਪਾਸ ਰਿਹ ਰਹੇ ਹੋਰ ਕਿਰਾਏਦਾਰਾਂ ਨਾਲ ਘਰਾਂ ਅੰਦਰ ਘੁਸ ਕੇ ਮਾਰਕੁਟਾਈ ਅਤੇ ਭੰਨਤੋੜ ਕੀਤੀ ਅਤੇ ਘਰ ਦੇ ਬਾਹਰ ਖੜੀਆਂ ਗੱਡੀਆਂ ਦੀ ਵੀ ਭੰਨ ਤੋੜ ਕੀਤੀ ,,ਤਿੰਨ ਦੇ ਕਰੀਬ ਲੋਕ ਜ਼ਖਮੀ ਹੋ ਗਏ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਵਿੱਚ ਜੁਟੀ ਹੈ।
ਪੀੜਿਤ ਮਹਿਲਾਂ ਸੋਨੀਆ ਨੇ ਦੱਸਿਆ ਕਿ ਉਹ ਕਿਰਾਏ ਦੇ ਮਕਾਨ ਵਿੱਚ ਆਪਣੇ ਪਰਿਵਾਰ ਨਾਲ ਰਹਿੰਦੀ ਹੈ ਅਤੇ ਮੁਹੱਲੇ ਦੇ ਹੀ ਨੌਜਵਾਨ ਵੱਲੋ ਉਸ ਨਾਲ ਲਗਾਤਾਰ ਛੇੜਛਾੜ ਕੀਤੀ ਜਾ ਰਹੀ ਸੀ ਬੀਤੀ ਰਾਤ ਕੱਲ ਜਦ ਉਹ ਆਪਣੇ ਬੇਟੇ ਨਾਲ ਦੁੱਧ ਲੈਣ ਲਈ ਬਾਜ਼ਾਰ ਗਈ ਤਾਂ ਸੋਨੂ ਜੋ ਕਿ ਗਾਂਧੀ ਨਗਰ ਕੈੰਪ ਦਾ ਰਹਿਣ ਵਾਲਾ ਹੈ ਉਸਨੇ ਫਿਰ ਤੋਂ ਉਸ ਨਾਲ ਬਾਜ਼ਾਰ ਵਿਚ ਛੇੜਛਾੜ ਕੀਤੀ ਅਤੇ ਵਿਰੋਧ ਕਰਨ ਤੇ ਦੇਰ ਰਾਤ ਉਕਤ ਨੌਜਵਾਨ ਵਲੋਂ ਆਪਣੇ ਸਾਥੀਆਂ ਨਾਲ ਮਿਲਕੇ ਘਰ ਵਿੱਚ ਹਮਲਾ ਕਰ ਦਿੱਤਾ ਅਤੇ ਉਸੇ ਮਕਾਨ ਵਿੱਚ ਰਹਿ ਰਹੇ ਦੂਸਰੇ ਕਿਰਾਏਦਾਰਾਂ ਨਾਲ ਵੀ ਮਾਰਕੁਟਾਈ ਕਰਦੇ ਹੋਏ ਗੰਭੀਰ ਜ਼ਖਮੀ ਕਰ ਦਿੱਤਾ | ਉਸਨੇ ਕਿਹਾ ਅਸੀਂ ਘਰ ਵਿਚ ਇਕੱਲੀਆਂ ਔਰਤਾਂ ਰਹਿੰਦੀਆਂ ਹਾਂ ਅਸੀਂ ਪੁਲਿਸ ਪ੍ਰਸ਼ਾਸ਼ਨ ਕੋਲੋ ਇਨਸਾਫ ਦੀ ਮੰਗ ਕਰਦੇ ਹਾਂ |
ਕਿਰਾਏ ਦੇ ਮਕਾਨ ਵਿੱਚ ਹੋਰ ਰਹਿ ਰਹੇ ਪਰਿਵਾਰਾਂ ਨੇ ਦੱਸਿਆ ਕਿ ਕਰੀਬ ਰਾਤ 12 ਵਜੇ 40 ਤੋਂ 50 ਨੌਜਵਾਨ ਆਉਂਦੇ ਹਨ ਅਤੇ ਮਕਾਨ ਵਿੱਚ ਰਹਿ ਰਹੇ ਹੋਰ ਪਰਿਵਾਰਾਂ ਨਾਲ ਵੀ ਮਾਰਕੁਟਾਈ ਕਰਦੇ ਹਨ ਜੋ ਸਾਹਮਣੇ ਆਉਂਦਾ ਸੀ ਉਸਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਮਾਰਨਾ ਸ਼ੁਰੂ ਕਰ ਦਿੰਦੇ ਸਨ ਇਥੋਂ ਤੱਕ ਘਰ ਦੇ ਬਾਹਰ ਖੜੀ ਗੱਡੀ ਅਤੇ ਛੋਟੇ ਹਾਥੀ ਦੀ ਵੀ ਤੋੜਫੋੜ ਕਰ ਦਿੱਤੀ ਗਈ ਇਥੇ ਹੀ ਬਸ ਨਹੀਂ ਕੀਤੀ ਜਾਂਦੇ ਹੋਏ ਇਕ ਪਰਿਵਾਰ ਦੇ ਕਮੇਟੀ ਵਾਲੇ 1 ਲੱਖ 80 ਹਜ਼ਾਰ ਵੀ ਲੁੱਟ ਕੇ ਲੈ ਜਾਂਦੇ ਹਨ | ਉਹਨਾਂ ਕਿਹਾ ਜਾਂਦੇ ਹੋਏ ਧਮਕੀ ਵੀ ਲਾਕੇ ਜਾਂਦੇ ਹਨ ਕਿ ਸਾਡੇ ਸਰਕਾਰ ਨਾਲ ਸੰਬੰਧ ਹਨ ਤੁਸੀ ਸਾਡਾ ਕੁਝ ਨਹੀਂ ਵਿਗਾੜ ਸਕਦੇ ਪੀੜਤਾਂ ਨੇ ਪੁਲਿਸ ਪ੍ਰਸ਼ਾਸ਼ਨ ਕੋਲੋ ਇਹਨਾਂ ਉੱਤੇ ਕਾਨੂੰਨੀ ਕਾਰਵਾਈ ਦੀ ਮੰਗ ਕਰਦੇ ਹਾਂ |
post by parmvir singh