ਜਿਲ੍ਹਾ ਤਰਨ ਤਾਰਨ ਦੇ ਪਿੰਡ ਸਖੀਰਾ ਵਿੱਚ ਇੱਕ ਕਲਯੁੱਗੀ ਪੁੱਤ ਵਲੋਂ ਆਪਣੇ ਸਾਥੀਆਂ ਨਾਲ ਰਲ਼ ਕੇ ਤਾਏ ਘਰ ਰਹਿ ਰਹੇ ਆਪਣੇ ਪਿਤਾ ਉੱਪਰ ਦੇਰ ਰਾਤ ਅੰਨ੍ਹੇਵਾਹ ਗੋਲੀਆਂ ਦੀਆਂ ਬੁਛਾੜਾਂ ਕਰ ਦਿੱਤੀਆਂ ਜਿਸ ਵਿੱਚ ਦੁਕਾਨ ਤੇ ਬੈਠੇ ਉਸਦੇ ਤਾਏ ਅਤੇ ਉਸਦੇ ਤਾਏ ਦਾ ਪੁੱਤ ਭਰਾ ਸਖ਼ਤ ਜ਼ਖਮੀ ਹੋ ਗਏ ਜਿਨ੍ਹਾ ਨੂੰ ਸਰਕਾਰੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ, ਇਹ ਸਾਰੀ ਘਟਨਾ ਗੁਆਂਢੀ ਦੇ ਘਰ ਲੱਗੇ ਸੀਸੀ ਟੀ ਵੀ ਵਿੱਚ ਕੈਦ ਹੋ ਗਈ ਹੈ ਜਿਸ ਵਿੱਚ ਸਾਫ਼ ਤੋਰ ਤੇ ਹਮਲਾਵਰ ਦਿਖਾਈ ਦੇ ਰਹੇ ਹਨ।
ਜਾਣਕਾਰੀ ਦਿੰਦਿਆਂ ਜ਼ਖਮੀ ਗੁਰਲਾਲ ਸਿੰਘ ਨੇ ਦੱਸਿਆ ਕਿ ਤਾਇਆ ਉਹਨਾਂ ਕੋਲ ਰਹਿੰਦਾ ਹੈ ਪਰ ਇਸਦਾ ਲੜਕਾ ਇਸਕੋਲੋਂ ਪੈਸੇ ਲੈਣ ਕਾਰਨ ਉਹਨਾਂ ਨਾਲ ਵੀ ਝਗੜਾ ਕਰਦਾ ਰਹਿੰਦਾ ਹੈ ਕਿਉਂਕਿ ਮੇਰੇ ਤਾਏ ਦੀ ਪੈਨਸ਼ਨ ਆਉਂਦੀ ਹੈ ਅਤੇ ਇਸਦਾ ਲੜਕਾ ਇਸ ਨਾਲ ਮਾਰ ਕੁੱਟ ਕਰਕੇ ਇਸ ਕੋਲੋ ਪੈਸੇ ਖੋਹ ਕੇ ਲੈ ਜਾਂਦਾ ਹੈ ਅੱਜ ਫ਼ਿਰ ਸ਼ਾਮ ਨੂੰ ਜਦੋਂ ਮੇਰੇ ਤਾਏ ਦਾ ਲੜਕਾ ਸਾਡੇ ਘਰ ਆਇਆ ਤਾਂ ਉਸਨੇ ਆਪਣੇ ਪਿਓ ਨੂੰ ਨਾਲ ਲਿਜਾਣ ਦੀ ਗੱਲ ਕੀਤੀ ਪਰ ਅਸੀਂ ਨਾਲ ਭੇਜਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਉਸਨੇ ਆਪਣੇ ਅਣਪਛਾਤੇ ਵਿਅਕਤੀਆਂ ਨਾਲ ਸਾਡੇ ਤੇ ਅੰਨ੍ਹੇਵਾਹ ਗੋਲੀਆਂ ਚਲਾਉਣੀਆ ਸ਼ੁਰੂ ਕਰ ਦਿੱਤੀਆਂ, ਬੜੀ ਮੁਸ਼ਕਲ ਨਾਲ ਅਸੀਂ ਆਪਣੀ ਜਾਨ ਬਚਾਈ।
post by parmvir singh