ਇਹ ਛੁੱਟੀ ਸਰਕਾਰੀ ਦਫ਼ਤਰਾਂ, ਬੋਰਡਾਂ ਅਤੇ ਨਿਗਮਾਂ ਵਿਚ ਕੰਮ ਕਰਨ ਵਾਲੇ ਮੁਲਾਜ਼ਮਾਂ ਲਈ ਇੱਛਾ-ਅਧਾਰਿਤ ਹੈ, ਭਾਵ ਉਹ ਚਾਹੁਣ ਤਾਂ ਇਸ ਦਿਨ ਛੁੱਟੀ ਲੈ ਸਕਦੇ ਹਨ। ਪੰਜਾਬ ਸਰਕਾਰ ਵੱਲੋਂ ਅਧਿਕਾਰਤ ਛੁੱਟੀਆਂ ਦੇ ਕੈਲੰਡਰ ਅਨੁਸਾਰ ਕੱਲ੍ਹ 29 ਅਕਤੂਬਰ 2026, ਵੀਰਵਾਰ ਨੂੰ ਕਰਵਾ ਚੌਥ ਦੇ ਮੌਕੇ ’ਤੇ ਸੂਬੇ ਭਰ ਦੇ ਸਰਕਾਰੀ ਮੁਲਾਜ਼ਮਾਂ ਲਈ ਰਾਖਵੀਂ ਛੁੱਟੀ (RH) ਰਹਿਣ ਵਾਲੀ ਹੈ। ਇਹ ਛੁੱਟੀ ਸਰਕਾਰੀ ਦਫ਼ਤਰਾਂ, ਬੋਰਡਾਂ ਅਤੇ ਨਿਗਮਾਂ ਵਿਚ ਕੰਮ ਕਰਨ ਵਾਲੇ ਮੁਲਾਜ਼ਮਾਂ ਲਈ ਇੱਛਾ-ਅਧਾਰਿਤ ਹੈ, ਭਾਵ ਉਹ ਚਾਹੁਣ ਤਾਂ ਇਸ ਦਿਨ ਛੁੱਟੀ ਲੈ ਸਕਦੇ ਹਨ।ਸਪਸ਼ਟ ਕੀਤਾ ਜਾਂਦਾ ਹੈ ਕਿ ਇਹ ਆਮ ਜਨਤਕ ਛੁੱਟੀ ਨਹੀਂ ਹੈ। ਇਸ ਲਈ ਸਕੂਲ, ਕਾਲਜ ਅਤੇ ਹੋਰ ਵਿੱਦਿਅਕ ਅਦਾਰੇ ਕੱਲ੍ਹ ਆਮ ਵਾਂਗ ਖੁੱਲ੍ਹੇ ਰਹਿਣਗੇ ਅਤੇ ਪੜ੍ਹਾਈ-ਪੜ੍ਹਾਉਣ ਦਾ ਕੰਮ ਜਾਰੀ ਰਹੇਗਾ। ਰਾਖਵੀਂ ਛੁੱਟੀ ਦਾ ਮਤਲਬ ਸਾਰੀਆਂ ਸੰਸਥਾਵਾਂ ਦਾ ਬੰਦ ਹੋਣਾ ਨਹੀਂ, ਸਗੋਂ ਸਿਰਫ਼ ਸਰਕਾਰੀ ਮੁਲਾਜ਼ਮਾਂ ਨੂੰ ਦਿੱਤੀ ਗਈ ਸਹੂਲਤ ਹੈ। ਜਿਨ੍ਹਾਂ ਦਫ਼ਤਰਾਂ ਵਿਚ ਕੰਮਕਾਜੀ ਦਿਨ ਹੁੰਦੇ ਹਨ, ਉੱਥੇ RH ਲੈਣ ਵਾਲੇ ਕਰਮਚਾਰੀ ਦੀ ਗੈਰ-ਹਾਜ਼ਰੀ ਨੂੰ ਨਿਯਮਾਂ ਅਨੁਸਾਰ ਦਰਜ ਕੀਤਾ ਜਾਂਦਾ ਹੈ।RH ਛੁੱਟੀ ਦੇ ਨਿਯਮਪੰਜਾਬ ਸਰਕਾਰ ਦੇ ਨਿਯਮਾਂ ਮੁਤਾਬਕ ਇਕ ਸਰਕਾਰੀ ਮੁਲਾਜ਼ਮ ਇਕ ਕੈਲੰਡਰ ਸਾਲ ਵਿਚ ਰਾਖਵੀਆਂ ਛੁੱਟੀਆਂ ਦੀ ਸੂਚੀ ਵਿੱਚੋਂ ਵੱਧ ਤੋਂ ਵੱਧ ਦੋ RH ਲੈ ਸਕਦਾ ਹੈ। ਇਹ ਛੁੱਟੀ ਲਾਜ਼ਮੀ ਨਹੀਂ, ਬਲਕਿ ਆਪਣੀ ਇੱਛਾ ਨਾਲ ਲਈ ਜਾਂਦੀ ਹੈ। ਮੁਲਾਜ਼ਮ ਨੂੰ ਇਸ ਦੀ ਸੂਚਨਾ ਆਪਣੇ ਵਿਭਾਗ/ਦਫ਼ਤਰ ਨੂੰ ਪਹਿਲਾਂ ਦੇਣੀ ਹੁੰਦੀ ਹੈ। RH ਨੂੰ ਆਮ ਤੌਰ ’ਤੇ ਹੋਰ ਛੁੱਟੀਆਂ ਨਾਲ ਜੋੜਨ ਦੀ ਆਗਿਆ ਨਿਯਮਾਂ ਅਨੁਸਾਰ ਹੀ ਹੁੰਦੀ ਹੈ। ਇਸ ਲਈ ਕੱਲ੍ਹ ਦਾ ਦਿਨ ਸਰਕਾਰੀ ਮੁਲਾਜ਼ਮਾਂ ਲਈ ਰਾਹਤ ਵਾਲਾ ਹੈ, ਪਰ ਵਿਦਿਆਰਥੀਆਂ ਅਤੇ ਆਮ ਲੋਕਾਂ ਲਈ ਇਹ ਆਮ ਕੰਮਕਾਜੀ ਦਿਨ ਹੀ ਰਹੇਗਾ।Read More
