ਫਿਰੋਜ਼ਪੁਰ ਦੇ ਸਿਵਲ ਹਸਪਤਾਲ ਦੇ ਐਮਰਜੈਂਸੀ ਵਾਰਡ ਵਿੱਚ ਅੱਧੀ ਰਾਤ ਵੜਿਆ ਸੱਪ 

ਦੇਰ ਰਾਤ ਸਿਵਲ ਹਸਪਤਾਲ ਫਿਰੋਜ਼ਪੁਰ ਦੀ ਐਮਰਜੈਂਸੀ ਵਾਰਡ ਵਿੱਚ ਉਸ ਸਮੇਂ ਹਾਹਾਕਾਰ ਮੱਚ ਗਈ। ਜਦ ਕਾਲੇ ਰੰਗ ਦਾ ਜ਼ਹਿਰੀਲਾ ਸੱਪ ਬਲੱਡ ਬੈਂਕ ਦੇ ਅੰਦਰ ਵੜ ਗਿਆ ਬੀਤੀ ਰਾਤ ਕਰੀਬ ਦੋ ਵਜੇ ਡਿਊਟੀ ਤੇ ਤੈਨਾਤ ਸਟਾਫ਼ ਵੱਲੋਂ ਇੱਕ ਸੱਪ ਦੇਖਿਆ ਗਿਆ ਜੋਕਿ ਐਮਰਜੈਂਸੀ ਵਿਭਾਗ ਵਿੱਚ ਹੀ ਬਣੇ ਬਲੱਡ ਬੈਂਕ ਦੇ ਅੰਦਰ ਵੜ ਗਿਆ ਸੱਪ ਦੇ ਅੰਦਰ ਵੜਨ ਦਾ ਰੌਲਾ ਪੈਂਦੇ ਹੀ ਮਰੀਜ਼ ਅਤੇ ਰਿਸ਼ਤੇਦਾਰਾਂ ਵਿੱਚ ਭਾਜੜ ਪੈ ਗਈ ਅਤੇ ਡਿਊਟੀ ਤੇ ਤਾਿੲਨਾਤ ਸਟਾਫ਼ ਵੀ ਡਰ ਨਾਲ ਬਾਹਰ ਨਿਕਲ ਆਇਆ।

ਕਿਸੇ ਤਰ੍ਹਾਂ ਮਰੀਜਾਂ ਨੂੰ ਦੂਸਰੀ ਬਿਲਡਿੰਗ ਵਿੱਚ ਬਣੇ ਜਰਨਲ ਵਾਰਡ ਵਿੱਚ ਸ਼ਿਫਟ ਕੀਤਾ ਗਿਆ ਅਤੇ ਦਿਨ ਚੜਦੇ ਹੀ ਸਨੇਕ ਮਾਸਟਰ ਨੂੰ ਬੁਲਾਇਆ ਗਿਆ ਜਿਸ ਨੇ ਬਲੱਡ ਬੈਂਕ ਵਿੱਚ ਮੌਜੂਦ ਸੱਪ ਨੂੰ ਕਿਸੇ ਤਰ੍ਹਾਂ  ਬਾਹਰ ਕੱਢਿਆ ਤੇ ਉਸ ਨੂੰ ਫੜ ਲਿਆ , ਸੱਪ ਦੇ ਫੜੇ ਜਾਣ ਤੋਂ ਬਾਅਦ ਮਰੀਜਾਂ ਅਤੇ ਸਟਾਫ ਦੀ ਜਾਨ ਵਿੱਚ ਜਾਨ ਆਈ।