ਨੀਰਜ ਚੋਪੜਾ ਨੇ ਰਚਿਆ ਇਤਿਹਾਸ, ਭਾਰਤ ਵਿਚ ਖੁਸ਼ੀ ਦੀ ਲਹਿਰ

ਸਵਿੱਟਜ਼ਰਲੈਂਡ (ਜ਼ਿਊਰਿਖ) : ਨੀਰਜ ਚੋਪੜਾ ਨੇ ਜ਼ਿਊਰਿਖ ਵਿਚ ਡਾਇਮੰਡ ਲੀਗ ਦੇ ਫਾਈਨਲ ਵਿਚ ਪਹਿਲਾ ਸਥਾਨ ਹਾਸਲ ਕਰਕੇ ਇਤਿਹਾਸ ਰਚ ਦਿੱਤਾ। ਉਸ ਨੇ ਡਾਇਮੰਡ ਲੀਗ ਵਿਚ ਸ਼ਾਨਦਾਰ ਖੇਡ ਦਾ ਮੁਜ਼ਾਹਰਾ ਕਰ ਕੇ ਦੇਸ਼ ਮੁੜ ਨਾਂ ਰੁਸ਼ਨਾਇਆ। ਨੀਰਜ ਚੋਪੜਾ ਡਾਇਮੰਡ ਲੀਗ ਟਰਾਫੀ ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਹਨ। ਨੀਰਜ ਨੇ 88.44 ਮੀਟਰ ਜੈਵਲਿਨ ਥਰੋਅ ਵਿਚ ਚੈੱਕ ਗਣਰਾਜ ਦੇ ਜੈਕਬ ਵਡਲੇਚੋ ਨੂੰ ਪਛਾੜ ਦਿੱਤਾ। ਉਸ ਨੇ ਆਪਣੀ ਦੂਜੀ ਕੋਸ਼ਿਸ਼ ਵਿਚ 88.44 ਮੀਟਰ ਥਰੋਅ ਕੀਤਾ। ਉਹ ਜੁਲਾਈ ਵਿੱਚ ਸੰਯੁਕਤ ਰਾਜ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਚਾਂਦੀ ਜਿੱਤਣ ਵਾਲੇ ਪ੍ਰਦਰਸ਼ਨ ਦੌਰਾਨ ਆਪਣੀ ਕਮਰ ਵਿੱਚ ਮਾਮੂਲੀ ਸੱਟ ਕਾਰਨ ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ (28 ਜੁਲਾਈ ਤੋਂ 8 ਅਗਸਤ) ਤੋਂ ਖੁੰਝ ਗਿਆ ਸੀ।

neeraj chopra

ਨੀਰਜ ਨੇ ਦੋਹਾ ‘ਚ ਕਰਵਾਈ ਗਈ ਪਹਿਲੀ ਡਾਇਮੰਡ ਲੀਗ ਤੇ ਤੀਜੀ ਸਿਲੇਸੀਆ ‘ਚ ਹਿੱਸਾ ਨਹੀਂ ਲਿਆ ਸੀ। ਸਟਾਕਹੋਮ ਵਿਚ ਉਸ ਨੇ 89.94 ਮੀਟਰ ਦੀ ਥਰੋਅ ਨਾਲ ਕੌਮੀ ਰਿਕਾਰਡ ਬਣਾਇਆ ਸੀ ਪਰ ਇਸ ਦੂਰੀ ਦੇ ਬਾਵਜੂਦ ਇੱਥੇ ਉਸ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਉਹ ਲੁਸਾਨੇ ਵਿੱਚ ਜੇਤੂ ਬਣਿਆ ਅਤੇ ਹੁਣ ਉਸ ਨੇ ਫਾਈਨਲ ਵਿੱਚ ਵੀ ਸੋਨ ਤਗਮਾ ਜਿੱਤ ਲਿਆ ਹੈ।ਫਾਈਨਲ ਵਿੱਚ ਹਰੇਕ ਡਾਇਮੰਡ ਅਨੁਸ਼ਾਸਨ ਦੇ ਜੇਤੂ ਨੂੰ ‘ਡਾਇਮੰਡ ਲੀਗ ਚੈਂਪੀਅਨ’ ਦਾ ਤਾਜ ਪਹਿਨਾਇਆ ਜਾਵੇਗਾ।

See also  ਪੰਜਾਬ ਦੇ 19 ਜ਼ਿਲ੍ਹਿਆਂ ਅਤੇ 20 ਥਾਵਾਂ ਤੇ ਕਿਸਾਨ ਯੁਨੀਅਨ ਏਕਤਾ ਉਗਰਾਹਾਂ ਦੀ ਤਰਫੋਂ ਦਿੱਤੇ ਗਏ ਅੱਜ ਡੀਸੀ ਦਫ਼ਤਰ ਦੇ ਮੂਹਰੇ ਧਰਨੇ